Aurélie Coulon

Biografia

Dempuèi tota pichona, Aurélie aima imaginar d'istòrias.
A 8 ans ja, demanda una maquina a escriure e comença son primièr tèxt: « la mala secrèta ».
Puèi, fa d'estudis literaris, çò que comola per un temps aquela set d'escriure. Ven puèi professor de las escòlas.
Sa primièra dròlla Margot nais, puèi la segonda Alice. Decidís de prene de temps per sa familha e s'arrèsta de trabalhar tres ans.
Alara, tròba lo temps de se remetre a escriure de tèxtes jos forma de novèlas que parteja amb son marit sol.
Mas aqueste tanben inventa d'istòrias: fa de films! Atal, après aver participat a sos filmatges coma actritz, passa de delà de camera.
Tornan amassa escriure la novèla « Funambula », que ven un cortmetratge
(http://www.guelienach.com/courts-metrages).
Sophie e Olivier, dos amics, descobrisson sos tèxtes mercés al film e li prepausan d'illustrar d'unas de sas novèlas.
Aurélie met alara un det dins l'engranatge de la collaboracion e realiza que son univèrs pòt far ressonar d'autres univèrses.
Alara quand Olivier li ditz qu'aimariá illustrar una istòria de lop per sos dos dròlles, es tot naturalament que li prepausa lo tèxt de Margot e lo drac.
Una autra collaboracion es actualament en cors amb una illustratora de talent per Alice.
E dempuèi, a agut una tresena pichona dròlla: Joséphine. Ela tanben aurà son libre, mas cada causa en son temps !

Sos libres en çò de Ioca Edicions